Nagbulungan ang mga tao sa paligid nang dumaan ang pamilyar na babae. Akala mong may sakit na halos lumuwang ang daan na ang tanging naglalakad na lamang ay ang babaeng nakasuot ng hapit na kulay pulang damit. Ang sarap panoorin, lalo na at makikita mong napakababa na ng tingin ng lahat, pero mukang proud na proud pa rin sya sa sarili.
Sabi ni mommy, lumayo daw ako sa mga malalandi kong classmates. Dapat daw, puro libro lang ang dapat kong atupagin at hindi yung pakikipagusap sa mga lalaking wala daw ibang gagawin kundi buntisin ako. Inatupag ko naman ang pag-aaral, at tinanim sa utak ko na nakakadiri yung mga taong hindi kayang mabuhay ng walang lalaki sa mundo.
Tumuntong ako ng college at sumali sa fraternity. Hirap o sarap ba? hmmm, hindi ko na naranasan iyon dahil founder ang boyfriend ko sa chapter ng eskwelahang pinasukan ko. Pero nakita ko kung paano gamitin ang mga neophytes ng mga masters nila tuwing hazing. Hindi ko alam kung baboy nga ba o hindi ang nasa harapan ko. Ang alam ko lang, mukang nasasarapan ang mga babaeng ginagamit ng kung sino man habang nakapiring ang mata nila.
Nagsimulang mabarkada ako sa mga lalaki, hanggang sa trip na lang namin magpakalasing araw araw pagkatapos ng klase. May sumama sa aming lalaki na tumapat sa akin at nakikipagflirt. Sa loob loob ko, paano ginagawa ng mga babae ang makakuha ng lalaki sa pamamagitan ng tingin? Bahala na, naisip ko. Kung kayang gawin ng mga pokpok ang ganitong bagay, tingin ko hindi ko kakayanin.
Nagsimula akong magkaroon ng mga flings kada inuman. Pero nasa tamang wisyo pa ako para hindi makipagsex kahit kanino. Ako lang ang gagawa. Bawal akong galawin. Dati-rati'y gumagawa pa ako ng listahan ng mga nakafling ko na umabot na yata ng mahigit tatlumpu.
Hindi naman lahat ng bagay nageenjoy ako. Tinigilan ko rin at nagsimulang magseryoso sa relasyon. Nagkaroon ako ng 3 matitinong boyfriend, at ang huli, naging asawa ko pa. Naisip ko, yung mga pokpok pala pwedeng magsawang magbigay aliw at magsawa na lang sa bandang huli. Marami pa namang magbibigay ng dahilan para maging matino sila.
Masarap maranasan na kahit minsan sa buhay ko, naging gaya rin nila ako. Pero parang drugs lang yan e. Pag nahook ka, maaadik ka na. Pero nasa iyo pa rin ang kontrol sa lahat. Kalimutan yung masarap na past time lang at maging successful sa mga bagay na hindi mo aakalaing sa iyo mapupunta.
Napatanga ako habang tinitignan ko ang oras. Kagigising ko lang katabi babae ko (this time, ayaw ko na ng lalaki). Ginising ko sya sa pamamagitan ng halik. Masakit daw ang lalamunan nya. Naawa naman ako at pinagmumog sya ng asin para kahit paano'y gumaling. Sumeryoso ang mukha nya, sabay tanong sa akin, kelan daw ako huling nakipag sex sa lalaki.
Bumalik lahat ng alaala ko. Kailan nga ba? Kahapon, noong isang araw, noong isang linggo? Sino ba ang huling lalaking gumamit sa akin? Nagpagamit ba ako? Ahhh, biglang nagiba ang dating ako at bumalik sa dating maituturing na isang puta sa tingin ng mga boring na estudyante. Ako ngayon, nasa isang iginagalang na posisyon, tanungin kung kailan ang huling beses akong nakipaglandian sa kama, habang sumasakit ang lalamunan nya, biglang nahilo sa mga nagfflashback sa utak ko.
Nasarapan ba sya? Sabi nya oo daw e. Sa babae o lalaki man, kapag bumaba ka sa partner mo, gagawin mo yun hindi dahil kailangan, kung hindi dahil gusto mong gawin. Feeling ko ilang libong mikrobyo meron ako na parang isang puta na pinandidirihan ng lahat. Nakikita ko tuloy ang sarili ko sa babaeng kekendeng kendeng sa kalye na kanina ko pa tinitignan.
Ahhh, hindi lahat ng pokpok puta, at hindi lahat ng puta, pokpok. Pero ano man sila, sa tingin ko, mabibigyan lang ng kahulugan ang isang tao, kapag ang respetong laging hinihingi sa yo ay kayang tumbasan hindi lamang ng respeto bilang girlfriend kung hindi ang tiwalang hindi mapapalitan ng kahit anong pangyayaring dinaanan gaya ng isang putang maraming karanasan.
